'Nong nadiagnosed ang anak ko na mayroon siyang Autism Spectrum Disorder (ASD),Sobra akong nalungkot.Naalala ko pa ng araw na 'yon habang pauwi kami galing sa ospital ay panay ang pag iyak ko.Hindi ko inaasahan na ganon ang sasabihin sa amin ng doktor.Hindi ko maipaliwanag ang nararamdaman ko hanggang sa ngayon.
Nang araw na 'yon binigyan ng mga rekomendasyon at mga laboratory tests na gagawin bukod sa kailangan niya ng mga theraphy ang unang pinagawa ay ang tinatawag na EEG,Sa ospital ding iyon namin pinagawa,Dahil sa walang PWD wala kaming discount sa lahat ng mga binayaran namin,Na kun tutuusin ay may 20% discount na nakalagay don sa mga laboratory tests na gagawin.
Pagkatapos ng isang linggo,Nagkaroon ako ng pagkakataon na kumuha ng PWD ID.Paano at ang mga kailangan para kumuha ng PWD ID,Ay pakibasa na lamang po ang mga susunod na pangungusap.
Kinakailangan sa pagkuha ng PWD ID ay ang mga sumusunod:
●Medical Certificate/Abstract
●Brgy.Clearance
●(2 pcs.)2x2 ID Picture
●Signature/Thumbmark
Nong kumuha ako para sa aking anak ay isinama ko siya pero maaari ding hindi na kasama ang kukuha kailangan lang kompleto ang mga kailangang requirements,Dahil hindi pa marunong pumirma ang anak ko ay pina thumbmark na lang siya.
Narito ang form na kailangang i-fill up,Nakuha ko ito sa pagkuha ko ng brgy.clearance,Ngunit
Nagbibigay mismo sa city hall kung saang city kayo kukuha.Sa Type of disability ay sila na ang naglalagay hindi ko rin alam bakit sa Learning disability ang ASD,Iyon ang nilagay ng staff.
Mabilis lang ang proseso,Kapag kompleto na ang lahat ng kinakailangan ay ipasa na at antaying tawagin,Agad makukuha ang PWD ID sa araw din ng pag kuha nito,Kasama nito ay ang Purchase Slip Booklet.
Libre ang pagkuha nito,Sa Quezon City Hall nasa kanan pagpasok magtanong na lang sa imformation desk kapag kinakailangan.
